Tədbirdə fondun icraçı direktoru Elçin Babayev çıxış edərək, ermənilərin Dağlıq Qarabağda törətdikləri bəşəri və maddi-mənəvi soyqırımların dünya içtimaiyyətinə çatdırılması yönümündə gərgin işlərin getdiyini vurğulamışdır.
Elçin Babayev qeyd etmişdir ki, Qarabağla, onun simvolu olan Şuşa ilə bağlı elmi tədqiqatları stimullaşdırmaq və beynəlxalq səviyyədə araşdırmaları təmin etmək məqsədilə Azərbaycan Respublikasının Prezidenti yanında Elmin İnkişafı Fondu “Şuşa Qrantı” təsis etmişdir. O, əmin olduğunu bildirmişdir ki, “Şuşa Qrantı” müsabiqəsinin nəticələri təkcə Respublika daxilində deyil, həm də dünya miqyasında da böyük əks-səda doğuracaqdır.
Tədbirdə Şuşanın dünənini və bu gününü özündə əks etdirən təqdimat xarakterli materiallar nümayiş etdirilmişdir.
Elmin İnkişafı Fondunun icraçı direksiyası
